Марат Зиатдинов: «Милли режим үзебездә җитештерүне үстерүгә этәргеч бирә»
2025 елдан дәүләт сатып алулары тулысынча «Ватан рельсларына»күчте. Сатып алуларда милли режим ике төп канун өчен унификацияләнгән: 44-ФЗ һәм 223-ФЗ. Яңа кагыйдәләрне гамәлдә ничек куллану турында бүген республика заказчылары Казанда «2025 елда сатып алуларда милли режим куллану һәм заказчыларның ТОП 10 хатасы»семинары барышында белделәр.
Белем бирү чарасы республиканың сатып алуларны үстерү үзәге тарафыннан оештырылган. Анда шәхси һәм дәүләт оешмаларының сатып алулар буенча белгечләре катнашты. Семинарны Татарстан Республикасының Сатып алулар буенча Дәүләт комитеты рәисе Марат Зиатдинов ачты.
"Милли режим-ул дәүләт сатып алуларында чит ил товарларының катнашуын җайга сала торган кагыйдәләр җыелмасы. Ул илебез җитештерүен үстерүне стимуллаштырырга һәм илебез икътисадына ярдәм итәргә мөмкинлек бирә. Бүген региональ мәгълүмат системасында сатып алулар өлкәсендә канун нигезендә эшләнгән 8 меңнән артык позиция тәкъдим ителгән. Товарлар үзәкләштерелгән рәвештә безнең комитет аша сатып алына", - дип мөрәҗәгать итте тыңлаучыларга ТР Сатып алулар буенча Дәүләт комитеты рәисе Марат Зиатдинов.
Семинарның төп спикеры федераль дәрәҗәдәге эксперт Татьяна Трефилова булды. Регламентланган сатып алулар кафедрасының 20 еллык укыту стажы булган профессоры, Россиянең дәүләт һәм корпоратив сатып алулар өлкәсендәге әйдәп баручы белгече һәм бизнес-тренеры актуаль норматив таләпләр нигезендә сатып алуларны үткәрүнең төп этаплары буенча бай программа тәкъдим итте.
Ул тыюлар һәм чикләүләр, Россия товарларының һәм хезмәтләренең өстенлекләре, сатып алуның конкурент булмаган ысулларында милли режимны куллану, ил оборонасы ихтыяҗлары өчен сатып алуларның үзенчәлекләре, заказчыларның сатып алу циклы этапларындагы хаталары һ.б. мәсьәләләр буенча аңлатмалар һәм гамәли киңәшләр бирде. белем бирү чарасы тәмамлангач, барлык катнашучылар да укулар узу турында сертификатлар алачак.