Бер атнада Татарстанның Дәүләт сатып алулары 136 млн сумнан артык тәшкил иткән
ТР Сатып алулар буенча дәүләт комитеты узган атнада 134,3 млн сумлык 7 сатып алу урнаштырган. Бу хакта бүген ведомствода атналык киңәшмәдә хәбәр иттеләр.
Төп сатып алулар махсус техника сатып алуга, чаралар оештыруга, IT-инфраструктураны үстерүгә, канцелярия товарлары белән тәэмин итүгә һәм туризмга ярдәм итүгә юнәлдерелгән.
Атнаның иң зур сатып алуы «Урман-янгын үзәге» ТР ДБУ өчен кран-манипуляторлы алты йөк автомобиле кайтару булды (84,7 млн сум). КАМАЗ 43118-76 шасси базасындагы Техника урман янгыннарын сүндерү һәм сортиментлар ташу өчен каралган.
Шулай ук ТР сәнәгать һәм сәүдә министрлыгы ихтыяҗлары өчен республиканың рәсми чараларда катнашуын оештыру (35 млн сум), ә ТР Туризм буенча Дәүләт комитеты өчен туроператорларны,журналистларны һәм республиканың башка кунакларын кабул итү буенча хезмәтләр (1,38 млн сум) планлаштырылган.
"Без заказ бирүчеләр ягыннан тотрыклы ихтыяҗны һәм тәэмин итүчеләр арасында саклана торган конкуренцияне күрәбез. Бу бюджет акчаларын экономияләргә мөмкинлек бирә", - дип шәрехләде ТР Сатып алулар буенча Дәүләт комитеты рәисе Марат Зиатдинов.