2025 ел башыннан Россиядә һәм Татарстанда кайбер үзгәрешләр эшли башлады
— Юл йөрү кагыйдәләрен бозган өчен штрафлар арттырылды, мәсәлән, тизлекне арттырган өчен-750 сум (500 сум иде). Кайбер хокук бозулар өчен штраф түләгәндә ташламаны 50% тан 25% ка кадәр киметәчәкләр. Ул 30 көн дәвамында гамәлдә булачак.
- Роскомнадзорга үз мәгълүматларын бирмәгән 10 меңнән артык аудиторияле социаль челтәрләрдәге каналлар хуҗаларына үз битләрендә реклама урнаштыру тыелачак һәм аларны репостларга ярамаячак.
- 1 гыйнвардан минималь хезмәт хакы күләме 22 440 сумга кадәр артачак (19 242 сум иде).
- 1 гыйнвардан эшләүче һәм эшләмәүче пенсионерларга иминият пенсиясе күләме 7,3% ка индексацияләнәчәк.
— Хәзерге икесе урынына НДФЛның биш ставкасы эшли башлый: 13% — керемнәр өчен елына 2,4 млн сумга кадәр, 15% — елына 2,4 млн сумнан 5 млн сумга кадәр, 18% — елына 5 млн сумнан 20 млн сумга кадәр, 20% — елына 20 млн сумнан 50 млн сумга кадәр, 22% - елына 50 млн сумнан артык.
- 1 гыйнвардан Россиядә бюджет хезмәткәрләренең хезмәт хакларын 13,2% ка күтәрделәр. Югары күтәрелү укытучыларга, табибларга, мәдәният хезмәткәрләренә, социаль хезмәткәрләргә, гадәттән тыш хәлләр министрлыгына, кайбер дәүләт хезмәткәрләренә һәм башкаларга кагылды.
- Казанда җәмәгать транспортында йөрү бәясе акчалата һәм акчасыз исәп-хисап өчен 43 сум тәшкил итәчәк.
- Казанда, Алабугада, Болгарда, Азнакайда һәм Татарстанның Чистай районындагы 6 авыл җирлегендә яшәү бәясеннән 1% күләмендә туристик салым кертеләчәк.
- Татарстанда эт хуҗалары үзләренең хайваннарын, токымына карамастан, туганнан соң өч айдан да соңга калмыйча теркәргә тиеш булачак. Әгәр эт билгеләнгән вакыттан өлкәнрәк булса, хуҗасы аны сатып алганнан соң 30 көн эчендә теркәргә тиеш.