ЯҢАЛЫКЛАР
Агымдагы елның беренче яртыеллыгында Татарстанда дәүләт һәм муниципаль контрактлар төзегәндә экономияләү суммасы 2,35 млрд сумга җитте. Бу сан башкарылган килешүләрнең гомуми күләменнән ике проценттан бераз артыграк тәшкил итә. Бу хакта Татарстан Республикасының Сатып алулар буенча Дәүләт комитетында Марат Зиатдинов рәислегендә узган киңәшмәдә хәбәр иттеләр.
ТР Сатып алулар буенча дәүләт комитеты белем һәм квалификация дәрәҗәсе турында дәүләт үрнәгендәге документлар бланкларын китерүгә электрон аукцион үткәрү турында мәгълүмат урнаштырды.
Товар ЕАЭС дәүләтеннән килеп чыга торган шартлар, җитештерү һәм технологик операцияләр Исемлеге төзәтелде.
Финанс министрлыгы белгечләре үзмәшгуль гражданнарның 44-ФЗ номерлы Федераль закон буенча үткәрелә торган сатып алуларда катнашу хокукын расладылар. Финанс министрлыгының 2025 елның 24 апрелендәге 24-06-09/41454 номерлы хаты нигезендә, теркәлгән шәхси эшмәкәрләрне дә кертеп, теләсә кайсы физик зат торглар һәм аукционнар нәтиҗәләре буенча контрактлар төзүгә дәгъва кылырга хокуклы.
Россия Федераль монополиягә каршы хезмәтенең Казандагы Укыту-методика үзәгендә Дәүләт сатып алулары, хакимият органнары эшчәнлеге, конкуренцияне үстерү һәм реклама базарын контрольдә тоту өлкәсендә монополиягә каршы хезмәтнең хокук куллану практикасы турында гавами фикер алышулар булды.
Россия казначылыгы 2024 елның I яртыеллыгында финанс-бюджет өлкәсендә контроль нәтиҗәләренә күзәтү бастырды. Күзәтүнең 3 бүлеге сатып алуларны планлаштырганда һәм уздырганда җитешсезлекләргә һәм хокук бозуларга багышланган.
Татарстанның мәктәп урманчылыкларын матди-техник тәэмин итү товарлары белән тәэмин итүгә төбәк бюджетыннан 3,1 млн сум акча юнәлдереләчәк. Электрон аукцион уздыру турындагы мәгълүматны республиканың Сатып алулар буенча Дәүләт комитеты бастырып чыгарды. Заказ бирүче-Татарстан Урман хуҗалыгы министрлыгы.
Президент Владимир Путин Дәүләт сатып алуларында үзебезнең комплектлаучы детальләрне куллану буенча таләпләрне үтәүне контрольдә тотуны катгыйландыру зарурлыгы белән килеште. Инициатива 26 майда бизнес белән очрашуда «Курск электр аппаратлары заводы» директорлар советы рәисе Андрей Канунниковтан яңгырады.
28 майга кадәр Дәүләт теркәү билгеләрен әзерләү буенча хезмәт күрсәтүгә электрон аукционда катнашу өчен заявкалар кабул ителә.