Төзелеш министрлыгы төзелеш материалларына һәм җиһазларына смета бәяләрен билгеләүнең яңа методикасын раслады
Яңа методика төзелештә бәя ясауның федераль дәүләт мәгълүмат системасында (ЦС ФГИС) урнаштыру өчен төзелеш ресурсларының (материалларның, эшләнмәләрнең, конструкцияләрнең һәм җайланмаларның) смета бәяләрен исәпләп чыгару тәртибен билгели. Бәяләр рубльләрдә бәя зоналары буенча НДСны исәпкә алмыйча – РФ субъектлары һәм аларның территория өлешләре буенча билгеләнә.
Смета бәяләрен исәпләү җитештерүчеләрдән, импортерлардан, тәэмин итүчеләрдән, сәүдә мәйданчыкларыннан белешмәләр алуны, шулай ук уртача үлчәүле һәм уртача арифметик бәяләрне исәпләүне һәм алга таба агрегацияләүне үз эченә ала. Әзерләү-склад чыгымнарын һәм объект яны складына кадәр ташу чыгымнарын исәпкә алу методикасы аерым язылган.
Боерык белән методиканың элекке редакцияләре – 2022 елның 26 октябрендәге һәм аңа 2023 елның 16 октябрендәге үзгәрешләр үз көчләрен югалткан дип таныла. Боерык рәсми басылып чыккан көненнән соң 10 көн узгач үз көченә керә.