Татарстан дәүләт заказчылары ел башыннан Дәүләт сатып алуларында 2 миллиард сумнан артык акчаны янга калдырды
2026 елның биш аенда Татарстанда 141,5 млрд сумлык 27 меңнән артык дәүләт һәм муниципаль контракт төзелгән. Бюджет акчаларын экономияләү 1,59% тәшкил итте-бу 2,12 млрд сум. Мондый мәгълүматлар ТР Сатып алулар буенча дәүләт комитетының атналык киңәшмәсендә әйтелде.
Төбәк заказчылары чыгымнарны 1,78 млрд сумга киметкән (1,43%). Муниципаль заказчылар 0,34 млрд сум экономияләгән - монда экономия 3,78% ка җиткән.
Иң масштаблы проект республика юллары төзелешенә 3,9 млрд сумлык контракт булды. Кече бизнес шулай ук сатып алуларда актив катнаша: ел башыннан кече эшмәкәрлек субъектлары 21,2 млрд сумлык 15,8 мең килешү төзегән.
"Конкурент процедуралар-дәүләт сатып алуларында бәяләрне киметүнең төп механизмы. Шуңа күрә безнең иң мөһим бурычыбыз – сәламәт конкуренцияне тәэмин итү һәм барлык катнашучылар өчен дә тигез мөмкинлекләр булдыру», – дип белдерде Татарстан Республикасының Сатып алулар буенча Дәүләт комитеты рәисе Марат Зиатдинов.