Яр Чаллыда дәүләт сатып алулары өлкәсендәге төп үзгәрешләр турында фикер алыштылар
Яр Чаллыда дәүләт сатып алулары өлкәсендә эшнең нәтиҗәлелеген арттыруга юнәлдерелгән ике әһәмиятле зона семинары узды. Чаралар «дәүләт сатып алулары: 44-ФЗны үзгәртү һәм куллану практикасы» һәм «сатып алуларда нәтиҗәле катнашу»темаларына багышланган иде.
Семинарларны тантаналы рәвештә ТР Сатып алулар буенча дәүләт комитеты рәисе урынбасары Мария Алмазова һәм Яр Чаллы Башкарма комитеты җитәкчесе Фәрит Сәлахов ачтылар. Алар семинарларның мөһимлеген билгеләделәр, катнашучыларга активлыклары һәм һөнәри әзерлек дәрәҗәсен күтәрүдә кызыксынулары өчен рәхмәт белдерделәр.
«Мондый очрашулар нәтиҗәсендә законнардагы үзгәрешләргә тиз арада җавап бирергә, белгечләрнең тиешле квалификациясен тәэмин итәргә һәм республикабызның дәүләт сатып алуларының үтә күренмәле һәм нәтиҗәле системасын формалаштыру өчен уңай шартлар тудырырга мөмкин», – дип ассызыклады Мария Алмазова.
Семинарлар, шул исәптән районнарның башкарма комитетлары, дәүләт һәм муниципаль учреждениеләр вәкилләре, шулай ук Яр Чаллы, Менделеевск, Тукай һәм Агерҗе районнары кебек республика шәһәрләре һәм районнарының бизнес-берләшмәләре вәкилләрен дә кертеп, белгечләр һәм кызыксынучы затларның киң даирәсенә юнәлдерелгән.
"Программаның төп акценты 44-ФЗ номерлы Федераль закондагы үзгәрешләргә, милли режимны куллану үзенчәлекләренә һәм дәүләт сатып алулары биржасында эшләү үзенчәлекләренә ясалды. Катнашучылар вәкаләтле органнар белән хезмәттәшлек механизмнары һәм намуссыз тәэмин итүчеләр реестрына кертелмәү стратегиясе турында җентекләп фикер алыштылар. Семинарларның башка мөһим темалары арасында – бәяләрне нигезләү ысуллары, җиһаз продукциясен сатып алу үзенчәлекләре, бердәнбер тәэмин итүче белән цифрлы контрактларга күчү һәм цифрлы өстәмә килешүләр», – дип билгеләп үттеләр Татарстан Республикасының Сатып алулар буенча Дәүләт комитетында.
Спикерлар булып Дәүләт комитетының әйдәүче экспертлары, республиканың сатып алуларны үстерү үзәге белгечләре һәм чакырылган кунаклар чыгыш ясады. Татарстан Дәүләт заказы агентлыгы генераль директоры Яков Геллер биржа мәйданчыгындагы эш үзенчәлекләрен җентекләп яктыртты, республика маркетинг үзәге мөмкинлекләрен тәкъдим итте һәм тыңлаучыларның сорауларына җавап бирде. Җирле бизнеска ярдәм итү чараларына аерым игътибар бирелде.Алар турында ТР Икътисад министрлыгы вәкиле Екатерина Конычева җентекләп сөйләде.
Семинарларда катнашучыларның барысына да укулар узу турында электрон сертификатлар тапшырылды. Киләсе зона семинар-киңәшмәләрен ТР Сатып алулар буенча Дәүләт комитеты көзен Түбән Камада уздырырга планлаштыра.