Татарстан үзенең туристлык мөмкинлекләрен Мәскәү һәм Санкт-Петербургта алга этәрәчәк
«Татарстанның эчке туризмны үстерү өчен барысы да бар – бай тарихы, уникаль мәдәни һәм тарихи объектлары, матур табигате», – дип билгеләп үтте Татарстан рәисе Рөстәм Миңнеханов.
Республика Мәскәү һәм Санкт-Петербургта актив реклама кампаниясенә әзерләнә, аның максаты республикага күбрәк туристларны җәлеп итү булачак. Проектны гамәлгә ашыруга 10,5 млн сум юнәлдерелгән.
Планлаштырылган электрон аукцион турында мәгълүматны Татарстан Республикасының Сатып алулар буенча Дәүләт комитеты урнаштырды. Ел ахырына кадәр башкаручыга Мәскәү һәм Санкт-Петербург урамнары буйлап йөрүче ике катлы туристик автобусларда Татарстан турында реклама урнаштыруны оештырырга кирәк.
Һәр автобус көн саен, төрле вакытта маршрутларда, танылган истәлекле урыннарны колачлап йөриячәк. Эшләр дизайн эшләүне, монтажлауны һәм алга таба игъланнарны демонтажлауны күздә тота.
Әйтергә кирәк, республикада туристлар агымы якынча 4 мең кешегә җитә, Шул ук вакытта Татарстан бу күрсәткеч буенча илдә җиденче урында тора һәм Идел буе федераль округы төбәкләре арасында алда бара.