Үзбәкстан делегациясе Татарстан тәҗрибәсе белән таныша
Үзбәкстан Республикасының Джизак өлкәсе делегациясе Татарстанга «Россия – Ислам дөньясы: Kazan Forum 2025»форумында катнашу өчен килде. Визит кысаларында өлкә хокимы Олугбәк Мостафаевбелән делегация вәкилләре «Химград»технополисында булдылар. Кунакларны ТР Сатып алулар буенча Дәүләт комитеты рәисе Марат Зиатдинов озата йөрде.
Очрашуда кунакларга презентация уздырдылар, «Химград» эшчәнлеге, аның инфраструктурасы, халыкара проектлар һәм казанышлар турында сөйләделәр. Делегация берничә предприятиедә булды, анда югары технологияле эшләнмәләр һәм җитештерү процесслары белән танышты. Аерым алганда, делегация вәкилләре литий-ион аккумуляторларын эшләү процессы турында белделәр, самолетларның пассажир салоннары интерьерларының, газны исәпкә алу приборларының, газ-динамик Җайланмаларның һәм фәнни тикшеренүләр өчен җиһазларның ничек эшләнүен һәм җитештерелүен күрделәр.
"2023 елда Үзбәкстан Республикасының Джизак өлкәсендә «Химград» технополисы катнашында технопарк ачылды, ул инновацион инфраструктураны үстерүдә һәм безнең илләр арасында сәнәгать кооперациясен ныгытуда мөһим элементка әверелде. Технопаркның төп бурычларыннан берсе - Россия предприятиеләре производстволарын локальләштерү өчен уңайлы шартлар тудыру», - дип ассызыклады Марат Зиатдинов.
Бүген делегация «Алабуга» махсус икътисадый зонасы эше белән танышачак, аннары «Россия — ислам дөньясы: KazanForum»халыкара икътисадый форумында катнашачак.