Татарстанда 16,9 млн сумлык Комплекслы кадастр эшләре башкарылачак
Кадастр кварталларындагы барлык күчемсез милек объектларына карата төбәк әһәмиятендәге комплекслы кадастр эшләре ел дәвамында Татарстан Республикасы Муниципаль берәмлекләре территориясендә башкарылачак. Ачык конкурс үткәрү турындагы мәгълүматны электрон формада республиканың Сатып алулар буенча Дәүләт комитеты бастырып чыгарды. Заказ бирүче-Татарстан Җир һәм мөлкәт мөнәсәбәтләре министрлыгы.
Исемлектә — Казан һәм Чаллыда, Чистай, Теләче, Тукай, Саба, Тәтеш, Балык Бистәсе, Питрәч, Минзәлә, Менделеевск, Мамадыш, Лениногорск, Лаеш, Кукмара, Зеленодольск, Зәй, Алабуга, Биектау, Югары Ослан, Татарстанның Буа, Азнакай, Бөгелмә, Нурлат һәм Агерҗе районнары. Эшләрне башкаруга республика бюджетыннан 16,9 млн сум юнәлдереләчәк.
"Федераль закон нигезендә башкарылган эшләр өчен түләү бер берәмлек бәясеннән — фактта башкарылган эшләр күләменнән чыгып башкарылачак. Бу сатып алу буенча бер берәмлек өчен бәя 424 мең сум күләмендә билгеләнгән", - дип шәрехләде сатып алулар буенча Дәүләт комитеты рәисе урынбасары Искәндәр Баһаветдинов.
Эшләр башкару нәтиҗәсендә җир кишәрлекләре чикләренең урнашу урыны төгәлләштерелә, биналарның, корылмаларның һәм төзелеп бетмәгән объектларның җир кишәрлекләрендә урнашу урыны билгеләнә яисә төгәлләштерелә, күчемсез милек объектлары чикләренең урнашу урыны турындагы белешмәләрдә реестр хаталары төзәтелә, шулай ук яңа җир кишәрлекләре барлыкка килә.
Әйтергә кирәк, бөтен ил буенча Комплекслы кадастр эшләре «пространство белешмәләренең милли системасы» Программасын – җирләрдән файдалануның нәтиҗәлелеген арттыруга, территориаль планлаштыру һәм пространство үсеше, объектларны проектлау һәм төзү мәсьәләләренә комплекслы якын килүгә юнәлдерелгән масштаблы проектны гамәлгә ашыру кысаларында башкарыла.