Эксперт: 2025 елда Дәүләт сатып алулары үзебезнең җитештерүчеләргә юнәлдереләчәк
Дәүләт сатып алулары өлкәсендә бу елның төп яңалыгы – Милли режимны унификацияләү. Федераль закон бу юнәлештә ике төп закупка Законына үзгәрешләр кертте, дип сөйләде ТР Сатып алулар буенча Дәүләт комитеты рәисе Марат Зиатдинов «Татар-информ»да узган матбугат конференциясендә.
«Россия җитештерүчеләренә өстенлекләр бирүгә һәм илебез икътисадына ярдәм итүгә басым ясалды", - дип ассызыклады Зиатдинов.
Аның сүзләренчә, дәүләт һәм муниципаль ихтыяҗлар өчен чит илдә җитештерелгән сәнәгать товарларын сатып алуга, шулай ук илдә булган аналоглары булган программа белән тәэмин итүгә тулы тыю кертелгән.
Экспертлар монополиягә каршы характердагы мәсьәләләргә аерым игътибар бирделәр. Асылы бер үк компанияләрнең тендерларында даими җиңүләрдән гыйбарәт. Әмма алар аңлатканча, мондый вәзгыять-норма, чөнки «беренче кул»дип аталган тендерларга кагыла.
"Мисал өчен, әгәр юл компаниясенең районда асфальт заводы бар икән, аның җиңәчәге аңлашыла, чөнки аның логистикага һәм башкаларга чыгымнары күпкә азрак. Заводны үзең белән ил буйлап йөртмәссең бит. Яки районның төзелеш компаниясе шулай ук бу районда бина төзү буенча тендерда җиңеп чыгар», – диде ТР Дәүләт заказы буенча Агентлыкның генераль директоры Яков Геллер.
Фикерен дәвам итеп, ул төзелеш вакытында ук эшләр өчен материаллар һәм җиһазлар сатып алырга кирәк булачак, һәм монда инде «икенче кул»тендерлары керә, дип билгеләп үтте. Ә менә аларга конкуренция бик югары-һәркайсына диярлек 15 компаниядән артык.