ФАС конкуренцияне чикләүче килешүләр саны буенча алда баручы тармакларны атады

2025 елның 4 феврале, сишәмбе

Монополиягә каршы федераль хезмәт 2024 елда картельләр белән көрәш буенча үз эшенә нәтиҗә ясады.

Конкуренцияне чикләү белән бәйле иң күп хокук бозулар төзелеш һәм юл хуҗалыгы, фармацевтика, пассажирлар ташу, күчемсез милек һәм социаль туклану өлкәләрендә ачыкланган.

Картельләрне ачыклау кысаларында 315 эш кузгатылган, 245 карар кабул ителгән, 78 төбәк колачланган. Тикшерү барышында сатып алулар үткәргәндә 4369 хокук бозу очрагы ачыкланган, ә контрактларның гомуми башлангыч (максималь) бәясе 122,4 млрд сум тәшкил иткән.

Штраф санкцияләрен куллану нәтиҗәсендә бюджетка 1 млрд сум күчерелгән.