30-31 майда Калиниград шәһәрендә IV Балтыйк төбәк-ара конференциясе уза: «контракт системасын үстерү тенденцияләре һәм перспективалары»
Конференция кысаларында түбәндәге мәсьәләләр тикшерелә: санкцияләр шартларында контракт системасын үстерү; сатып алу эшчәнлеген цифрлаштыру һәм үзәкләштерү буенча иң яхшы төбәк практикалары; 05.04.2013 елгы 44-ФЗ номерлы Законны гамәлгә ашырганда хокукны куллану практикасының актуаль мәсьәләләре.
Докладлар белән федераль хакимият органнары – Россия Финанс министрлыгы, Сәнәгать һәм сәүдә министрлыгы, Федераль казначылык, Федераль монополиягә каршы хезмәт идарәсе вәкилләре чыгыш ясый.
Санкцияләр шартларында сатып алу эшчәнлеге һәм контрактларны үтәү үзенчәлекләре турында фикер алышу өчен Калининград өлкәсенә Россиянең төрле төбәкләреннән белгечләр, шул исәптән «Татарстан Республикасы сатып алуларны үстерү үзәге» Акционерлык җәмгыяте вәкилләре һәм Татарстан Республикасының Сатып алулар буенча дәүләт комитеты рәисе вазыйфаларын башкаручы Искәндәр Баһаутдинов җыелды. Ул билгеләп үткәнчә:»хәзерге шартларда контракт системасын үстерү стандарт булмаган карарлар һәм алымнар таләп итә, шуңа күрә барлык хакимият органнарының үзара эшчәнлеге аеруча мөһим, шулай ук башка төбәкләрдән килгән коллегалар белән тәҗрибә алмашу мөмкинлеге дә мөһим роль уйный".