ТР Сатып алулар буенча дәүләт комитеты рәисе Дәүләт һәм муниципаль идарә югары мәктәбендә сатып алулар буенча квалификация күтәрү курсын ачты
2024 елның 05 февралендә Казан федераль университетының дәүләт һәм муниципаль идарә югары мәктәбендә «Дәүләт һәм муниципаль ихтыяҗларны тәэмин итү өчен товарлар, эшләр, хезмәтләр сатып алу өлкәсендә контракт системасы 1.0» программасы буенча квалификация күтәрү курсының көндезге модуле старт алды.
Программаны Татарстан Республикасының Сатып алулар буенча дәүләт комитеты рәисе Руслан Сабиров ачты.
Контракт системасы турындагы Законның бер принцибы булып заказчыларның профессиональлеге принцибы тора, аңа ярашлы рәвештә заказчылар, махсуслаштырылган оешмалар сатып алулар өлкәсендә мәшгуль вазыйфаи затларның квалификация һәм һөнәри белем дәрәҗәсен күтәрү буенча чаралар күрергә тиеш, шул исәптән Россия Федерациясе законнары нигезендә сатып алулар өлкәсендә квалификацияне күтәрү яки һөнәри яңадан әзерләү юлы белән. Кирәкле белемнәр булу-сыйфатлы әзерләнгән сатып алу документларының гарантиясе, бу үз чиратында тулы хокуклы дәүләт идарәсе һәм халыкның сорауларын канәгатьләндерү өчен мөһим.
Шул ук вакытта сатып алулар өлкәсендә белгечләрнең квалификациясен күтәрү өчен белем бирү оешмасын сайлау мөһим, чөнки оешманың үзендә җитәрлек белем һәм күнекмәләр булу, шулай ук практик күнекмәләргә ия квалификацияле укытучыларның булуы сыйфатлы белем алуга йогынты ясый. Бүген мондый таләпләргә Татарстан Республикасы сатып алуларны үстерү үзәге җавап бирә, ул ел саен заказчылар өчен дә, тәэмин итүчеләр өчен дә белем бирү чаралары үткәрә.
Чыганак фото: https://ru.freepik.com/popular-photos