Татарстан учреждениеләре өчен махсус киемнәр сатып алуга 4,7 млн сум юнәлдереләчәк
Татарстан Республикасының Сатып алулар буенча дәүләт комитеты җиңел сәнәгать эшләнмәләре белән тәэмин итүгә электрон аукцион игълан итте. Контрактның башлангыч (максималь) бәясе 4,7 млн сум тәшкил итә. Заказ бирүчеләр булып 11 учреждение – хастаханәләр, интернат-йортлар, ветеринария хезмәтләре, гадәттән тыш хәлләр министрлыгы һәм башкалар тора.
Барлыгы 625 комплект сатып алу планлаштырыла. Алар арасында куртка һәм ярым комбинезонлы җылытылган кышкы костюмнар, җәйге мамык костюмнар, шулай ук утны кире кайтара торган «ашыгыч ярдәм» һәм «03»логотиплары булган Ашыгыч ярдәм хезмәткәрләре өчен махсус форма бар.
Товар Pantone классификаторы нигезендә тукыма тыгызлыгы, җылыткыч материалы һәм төсләр гаммасы буенча таләпләргә туры килергә тиеш.
Гаризалар 2026 елның 22 июленә кадәр кабул ителә.