ТР Сатып алулар буенча Дәүләт комитеты рәисе «ЦОКР» ФКУ филиалы белән хезмәттәшлек турында фикер алышты
Татарстан Республикасының Сатып алулар буенча Дәүләт комитетында рәис Марат Зиатдинов «Россия Казначылыгы эшчәнлеген тәэмин итү үзәге» Федераль казна учреждениесенең Казан шәһәрендәге төбәкара филиалы башлыгы Рөстәм Сибгатуллин белән очрашты. Ул дәүләт сатып алулары өлкәсендә хезмәттәшлек юнәлешләре һәм уңай тәҗрибә уртаклашуга багышланган иде.
ТР Сатып алулар буенча дәүләт комитеты вәкилләре дәүләт сатып алуларын оештыру буенча тәҗрибә һәм гамәли тәкъдимнәр белән уртаклаштылар. Мәгълүмат системаларын интеграцияләү һәм коррупциягә каршы механизмнарны гамәлгә ашыру проблемалары аеруча игътибар үзәгендә булды.
Дәүләт комитеты рәисе Марат Зиатдинов ассызыклаганча, федераль ведомстволар белән бергәләп эшләү бюджет акчаларыннан нәтиҗәле һәм үтә күренмәле файдалануны тәэмин итү өчен мөһим.
Очрашу хезмәткәрләрнең квалификациясен күтәрү буенча белем бирү чараларында катнашуны да кертеп, киләчәктә хезмәттәшлек итү турында килешү белән тәмамланды.