Арча педагогика көллияте милли проект буенча ноутбуклар сатып ала
"Татарстанда 2024 елда мәгариф системасында милли проектларны гамәлгә ашыруның алты еллык циклы тәмамланды. Агымдагы елда мәгариф системасына турыдан - туры бәйле өч яңа милли проект – «яшьләр һәм балалар», «Гаилә», «кадрлар» буенча эш башланды», - дип билгеләп үтте Татарстан рәисе Рөстәм Миңнеханов Иннополиста узган август педагогик киңәшмәсендә.
«Яшьләр һәм балалар» милли проектының «Профессионалитет» федераль проекты кысаларында Урта һөнәри белем бирү кластерларын булдыру буенча чараларны гамәлгә ашыру өчен Габдулла Тукай исемендәге Арча педагогика көллияте 29 ноутбук сатып алачак. Электрон аукцион турында мәгълүмат ТР Сатып алулар буенча Дәүләт комитеты тарафыннан урнаштырылган. Контрактның башлангыч максималь бәясе якынча 2,5 млн сум тәшкил итә.
«Профессионалитет» федераль проекты Урта һөнәри белем бирү системасын комплекслы яңадан эшләтеп җибәрү локомотивы булды. Аның бурычлары арасында, яшьләрнең колледжларда белем алуга кызыксынуын исәпкә алып, - кадрлар әзерләүнең тармак моделен киң тарату һәм кирәкле белгечлекләр һәм һөнәрләр буенча урта звено белгечләрен һәм эшчеләрне массакүләм әзерләү.
Сатып алу процедурасы турында тулы мәгълүмат белән бердәм мәгълүмат системасы сайтында танышырга мөмкин.