Яр Чаллы мәдәният учреждениесе өчен «Гаилә»милли проекты кысаларында оргтехника сатып алачаклар
Чаллы шәһәренең Аяз Гыйләҗев исемендәге Татар дәүләт драма театрында техник җиһазларны яңарту булачак. Татарстан Республикасының Сатып алулар буенча дәүләт комитетының Марат Зиатдинов җитәкчелегендәге атналык киңәшмәсендә әйтелгән мәгълүматларына караганда, театр гомуми бәясе 3,1 миллион сумнан артык булган яңа техника алачак. Бу чара «Гаилә» милли проекты кысаларында гамәлгә ашырыла торган «Гаилә кыйммәтләре һәм мәдәният инфраструктурасы»федераль проектында каралган.
Төп басым театр куелышларының сыйфатын яхшыртуга һәм тамашачыларны җәлеп итүгә ярдәм итә торган заманча проектор сатып алуга ясалды. Контракт тәэмин итүчене техника белән тәэмин итүне 2025 елның август ахырына кадәр төгәлләргә мәҗбүр итә.
"Милли проектлар кысаларындагы сатып алулар илнең социаль-икътисадый үсеше буенча дәүләт сәясәтен гамәлгә ашыруда төп роль уйный. Сатып алу эшчәнлеге белән идарә итүнең нәтиҗәлелеге процедураларның үтә күренмәлелегенә, закон таләпләренең үтәлешенә һәм контрактларның үтәлешен контрольдә тотуга бәйле", - дип ассызыклады ТР Сатып алулар буенча Дәүләт комитеты рәисе Марат Зиатдинов.
Искәртеп узабыз, 2025 елда Татарстанда «Гаилә» милли проекты составына керүче «гаилә кыйммәтләре һәм мәдәният инфраструктурасы»федераль проекты гамәлгә ашырыла. Проект мәдәни мохитне үстерү аша гаилә кыйммәтләрен ныгыту өчен шартлар тудыруга юнәлдерелгән.