Компьютер техникасы - «Яшьләр һәм балалар»милли проекты буенча
Габдулла Тукай исемендәге Арча педагогика көллияте өчен 13,3 млн сумлык 161 ноутбук сатып алачаклар. Электрон аукцион үткәрү турында тиешле мәгълүматны Татарстан Республикасы Сатып алулар буенча Дәүләт комитеты бастырып чыгарды.
Техника белән тәэмин итү «Профессионалитет» федераль проектының «Яшьләр һәм балалар» милли проектының Урта һөнәри белем бирү кластерларын булдыру чараларын гамәлгә ашыру кысаларында планлаштырыла. «Дәүләт сатып алулары өстенлекле милли проектларның максатларына ирешүдә мөһим роль уйный. Узган ел нәтиҗәләре буенча илкүләм проектларны гамәлгә ашыру кысаларында 43,3 млрд. сумлык 1 366 контракт төзелгән. Икътисад өчен дә, социаль өлкә өчен дә, гражданнарыбызның тормыш сыйфатын яхшырту өчен дә шактый күп эш башкарылды», - дип шәрехләде сатып алулар буенча Татарстан Республикасы Дәүләт комитеты рәисе Марат Зиатдинов.
2024 елда көллият «Мәгарифне үстерү» тармагында 2025 ел гранты җиңүчесе һәм урта һөнәри белем бирү үзәген булдыру өчен 70 миллион сум күләмендә субсидия иясе булды. Кластерның эш бирүчеләре: Казан шәһәре мәгариф идарәсе, Арча муниципаль районы мәгариф идарәсе һәм Арчаның 6нчы урта гомуми белем бирү мәктәбе.