Татарстанның Дәүләт сатып алулары бер атнада 270 млн сумнан артык тәшкил иткән
Узган атнада Татарстан Республикасының Сатып алулар буенча Дәүләт комитеты 270,6 млн сумлык сатып алулар урнаштырган. Төп акчалар эре инфраструктура һәм социаль проектларга юнәлдерелгән. Бу хакта ведомствода атналык киңәшмәдә хәбәр иттеләр.
Иң зур сатып алу 2046 елга кадәр төбәкне газ белән тәэмин итүне үстерү буенча фәнни-тикшеренү эшләрен башкару булды, аңа ТР сәнәгать һәм сәүдә министрлыгы 208,4 млн сум бүлеп бирде.
Шулай ук шактый акчалар республика ихтыяҗлары өчен транспорт чаралары сатып алуга юнәлдерелгән. ТР Урман хуҗалыгы министрлыгы «Беларус МУЛ-1221» 10 универсаль урман машинасын 48,5 млн сумга сатып алачак, ә Яшел Үзән интернат-йортына инвалид коляскалары өчен күтәргечле махсус автобус 5,49 млн сумга сатып алыначак.
» Узган атна кабат республикада дәүләт сатып алуларының тотрыклы дәрәҗәсен күрсәтте, ә процедураларның үтә күренмәлелеге һәм бюджет акчаларын экономияләү өстенлекле булып кала", — дип билгеләп үтте Дәүләт комитеты рәисе Марат Зиатдинов.