Татарстан Юстиция министрлыгы 8,5 млн сумлык хезмәт киемнәре тегәргә заказ бирәчәк
Татарстан Юстиция министрлыгы 8,5 млн сумлык хезмәт киемнәре тегәргә заказ бирәчәк. Бер комплектның бәясе 43 700 сум тәшкил итәчәк. Электрон аукцион үткәрү турындагы мәгълүматны ТР Сатып алулар буенча Дәүләт комитеты урнаштырды.
Ир – атлар һәм хатын-кызлар өчен формалы кием комплектына: ир-ат/хатын-кыз кителе; чалбар/итәк; озын җиңле күлмәк; галстук; элгеч-иңбашлар керә. Һәр костюмның товар ярлыгы, товар билгесе, җитештерүченең исеме һәм урыны, эшләнмәнең күләме, тукыма составы һәм эшләнмәне карау символлары, әзерләү датасы, җитештерүче предприятиенең ОТК контролеры тамгасы булырга тиеш.
Формалы кием комплектлары республиканың суд участокларына җибәреләчәк. Эшләрне башкару вакыты-контракт төзелгән көннән алып 2025 елның 31 декабренә кадәр. Үлчәү өчен башкаручыга ике көн, тегүнең үзенә ун көн билгеләделәр. Сатып алуга акчаны төбәк бюджетыннан бүлеп бирәчәкләр.