Республиканың норматив хокукый актларын «Кодекс»системасы ярдәмендә анализлыйлар
Татарстан муниципаль берәмлекләренең норматив хокукый актларына юридик анализ ясау өчен «Кодекс» махсуслаштырылган программа тәэминатын озата бару хезмәтләрен республика Юстиция министрлыгына күрсәтәчәкләр. Мәгълүматны бердәм мәгълүмат системасы сайтында ТР Сатып алулар буенча Дәүләт комитеты бастырып чыгарды.
Бу хезмәт норматив хокукый актларны федераль һәм төбәк законнарына, муниципаль берәмлекләрнең норматив хокукый актларына туры килү-килмәвен юридик анализлау процессын автоматлаштыруны тәэмин итү өчен күрсәтеләчәк. Юридик анализ нәтиҗәсе мөмкин булган каршылыкларның булу-булмавы, шулай ук хокукый җайга салудагы җитешсезлекләр турында мәгълүмат булачак. Башкаручыга 400 эш урыны булган махсуслаштырылган программа тәэминатына өзлексез керү мөмкинлеген тәэмин итәргә кирәк булачак.
Контрактның башлангыч бәясе 7,1 млн сум. Электрон аукционда катнашу өчен гаризалар 25 мартка кадәр кабул ителә.