2 ай эчендә Татарстан дәүләт заказчылары 15,9 млрд сумлык контрактлар төзеде
2025 елның гыйнвар-февралендә төбәк һәм муниципаль заказчылар 15,9 млрд сумлык 13 мең контракт төзегән. Бу хакта ТР Сатып алулар буенча Дәүләт комитетында атналык киңәшмәдә хәбәр иттеләр. 5,48 процент күләмендә бюджет акчаларын экономияләүгә ирешелде.
Ике ай нәтиҗәләре буенча иң зур контракт Казан шәһәре Башкарма комитетының Капиталь төзелеш һәм реконструкция Идарәсе тарафыннан Мирный торак массивында инженерлык челтәрләре булган спорт комплексы төзелеше буенча эшләр башкаруга төзелгән. Эшләрнең бәясе 891 млн сумнан артып китәчәк. Үтәү вакыты - 2025 елның 31 декабренә кадәр.
"Гомумән алганда, дәүләт заказында 2 ай эчендә Татарстанда контрактлар төзегәндә 687 млн сумнан артык акчаны янга калдырдылар. Бюджет акчаларын рациональ файдалану һәм экономияләү аеруча мөһим. Шул ук вакытта чыгымнарны кыскарту эш сыйфатына берничек тә тәэсир итәргә тиеш түгел», - дип ассызыклады ведомство җитәкчесе Марат Зиатдинов.
Заказчыларның һәм тәэмин итүчеләрнең һөнәри дәрәҗәсен күтәрү максатларында Дәүләт комитеты Чистай муниципаль районында зона семинары үткәрәчәк. Мәгариф чарасы 11 мартка планлаштырылган.