ТР суд участоклары өчен 2,5 млн сумлык почта конвертлары сатып алачаклар

2025 елның 19 феврале, чәршәмбе

Татарстан Республикасы Юстиция министрлыгы 2,5 млн сумлык кәгазь почта конвертлары сатып алачак. Мәгълүматны бердәм мәгълүмат системасы сайтында ТР Сатып алулар буенча Дәүләт комитеты урнаштырды.

Республика районнарының суд участоклары өчен С5 форматындагы 709 мең конверт һәм С4 форматындагы 52,5 мең конверт сатып алырга кирәк булачак. Сатып алуга акча Татарстан бюджетыннан юнәлдереләчәк.

Контрактны үтәү вакыты-30 июньгә кадәр. Электрон аукционга нәтиҗәләр 2025 елның 3 мартында ясалачак.