Сатып алулар буенча дәүләт комитеты республика районнарында зона укулары үткәрәчәк
Ел дәвамында ТР Сатып алулар буенча Дәүләт комитеты Сатып алуларда нәтиҗәле катнашу буенча күчмә зона семинарлары үткәрәчәк. Мондый мәгълүмат ведомствода атналык киңәшмәдә яңгырады.
2024 елда комитет республика муниципалитетларында гамәли семинарлар сериясен башлап җибәрде. 20 муниципаль районда 500дән артык кеше катнашында укулар үткәрелде. Белем бирү чаралары Саба һәм Буа муниципаль берәмлекләре территорияләрендә узды.
"Сатып алулар өлкәсендәге законнар-иң динамик үзгәрешлеләрнең берсе. Укыту программаларын урыннардагы хезмәттәшләребезнең сорауларын исәпкә алып төзибез. Ахыр чиктә, мондый интенсивларның төп максаты-сатып алулар процессын тагын да конкурентлырак, нәтиҗәлерәк һәм барлык катнашучылар өчен дә кулай итү. Сатып алулар өлкәсендә үтә күренмәлелекне һәм бюджет акчаларын экономияләүне тәэмин итәргә", - дип билгеләп үтте комитет рәисе Марат Зиатдинов.
2025 елда Дәүләт комитеты 4 күчмә чара оештыра — Әлмәт, Түбән Кама, Чистай муниципаль районнарында, шулай ук Чаллыда. Якындагы семинар инде март аенда узачак.
Өстәп әйтик, эре зона интенсивларыннан тыш, 2024 елда Дәүләт комитеты ТР сатып алуларны үстерү үзәге белән берлектә 46 белем бирү чарасы үткәрде, аларда 2 меңнән артык белгеч заказчы һәм сатып алуда катнашучылар катнашты. Узган ел сатып алуларны үстерү үзәгендә 1,5 мең тыңлаучы белем алды.