Татарстанда дәүләт сатып алулары турында иң зур хәбәр гыйнвар ахырында бастырылды
"ТР Главстрой» дәүләт бюджет учреждениесе 31 гыйнварда Бердәм мәгълүмат системасында 555,4 млн сумлык сатып алулар уздыру турында иң зур хәбәр бастырды. Подрядчикка төзелеш-монтаж һәм башка эшләр башкарырга кирәк булачак, шул исәптән Казанда метрополитенның икенче линиясенең беренче участогы төзелеше объектында «Фучика» станциясеннән «Сахарова»станциясенә кадәр җиһазлар урнаштыру һәм монтажлау буенча да.
Гыйнварга нәтиҗәләрне ТР Сатып алулар буенча дәүләт комитетында атналык киңәшмәдә ясадылар. Беренче айда төбәк һәм муниципаль заказчылар тарафыннан 12 млрд сумлык 9 мең контракт төзелгән. Дәүләт сатып алуларында төбәк заказчылары 136 млн сум, республика муниципалитетлары заказчылары 425 млн сум экономияләгән.
Ай йомгаклары буенча иң зур контракт Казан шәһәре Башкарма комитетының Капиталь төзелеш һәм реконструкция Идарәсе тарафыннан Мирный торак массивында инженерлык челтәрләре булган спорт комплексы төзелеше буенча эшләр башкаруга төзелгән. Эшләрнең бәясе 891 млн сумнан артып китәчәк. Үтәү вакыты - 2025 елның 31 декабренә кадәр.
"Гомумән алганда, гыйнварда Татарстанда дәүләт заказында контрактлар төзегәндә 600 млн сумнан артык акчаны янга калдырдылар. Бюджет акчаларын рациональ файдалану һәм экономияләү аеруча мөһим. Шул ук вакытта чыгымнарны кыскарту эш сыйфатына берничек тә тәэсир итәргә тиеш түгел», - дип ассызыклады ведомство җитәкчесе Марат Зиатдинов.