Яңа ел алдыннан: республиканың кайсы учреждениеләре транспорт сатып ала?
Бу атнада ТР Сатып алулар буенча Дәүләт комитеты транспорт чараларын сатып алу турында мәгълүмат урнаштырды. Аларны кайтару 2025 елга планлаштырылган.
Баулы районы башкарма комитеты 2,5 млн сумга «ГАЗ 231073-733»борт платформалы йөк автомобиле сатып алачак. Чыгарылу елы — 2024, двигатель куәте — 106,8 кВТ, гарантия срогы-24 ай.
«Зөя утрау-шәһәрлеге» Музей-тыюлыгы үз акчаларына «УАЗ»борт платформалы йөк машинасы сатып алачак. Башлангыч бәя - 1,9 млн сум. Йөк автомобиле йөк ташу өчен кулланылачак,шул исәптән — күргәзмәләр өчен экспонатлар.
2 млн сумлык «ГАЗ-27527» автофургонын Кама автомеханика техникумы сатып алырга планлаштыра. Транспорт чарасы 2024 елда чыгарылган булырга тиеш, утырту урыннары саны — 7 дән дә ким булмаска тиеш.
«ГАЗель Next A31R22» автобусын сатып алуга акча «өлкәннәр һәм инвалидлар өчен Җәлил интернат-йорты»социаль хезмәт күрсәтү учреждениесенә бүлеп биреләчәк. Башлангыч бәя-5,3 млн сум. Автобусның ике бортына да сәламәтлек мөмкинлекләре чикләнгән кешеләрне йөртүне билгеләү өчен төсле схема ясалырга тиеш. Утырту урыннары-кимендә 7. Моннан тыш, автобуста инвалид коляскасын йөртү өчен урын булдырырга кирәк.
Тәэмин итүчеләрдән гаризалар 2024 елның 23 һәм 24 декабренә кадәр кабул ителә.