2024 елда төбәк һәм муниципаль заказчылар 4,4 млрд сум экономияләде
ТР Сатып алулар буенча дәүләт комитеты республика муниципалитетларын сатып алуларда нәтиҗәле катнашырга өйрәтүен дәвам итә. Бүген Буада «ТР сатып алуларны үстерү үзәге» АҖ белән берлектә 9 районнан — Апас, Буа, Югары Ослан, Чүпрәле, Зеленодольск, Кайбыч, Кама Тамагы, Спас һәм Тәтеш муниципаль заказ бирүчеләре өчен зона семинары оештырылды. Муниципалитетлар вәкилләренә 44 нче Федераль законны бозмаска һәм барысын да кагыйдә буенча сатып алырга кирәклеге турында сөйләделәр. Бу инде ведомство муниципаль районнарга барып үткәрә торган икенче белем бирү чарасы.
"Безнең өчен заказ бирүчеләрнең һәм тәэмин итүчеләрнең һөнәри дәрәҗәсен күтәрү һәм аларга ярдәм итү бик мөһим. Нәкъ менә шуңа күрә урыннарда белем бирү интенсивлары сериясен эшләтеп җибәрделәр. Сатып алулар өлкәсендә белемнәрнең югары булуы - сыйфатлы эшнең, конкуренцияне һәм килешүләрнең законлылыгын тәэмин итүнең, сатып алулар өлкәсендә үтә күренмәлелекнең һәм бюджет акчаларын экономияләүнең нигезе ул», - дип мөрәҗәгать итте Татарстан Республикасының Сатып алулар буенча Дәүләт комитеты рәисе Марат Зиатдинов.
Татарстан Республикасында дәүләт сатып алулары системасы уңышлы үсә, бу процесска кече бизнесны да җәлеп итә, заказлар алырга һәм үсәргә мөмкинлек бирә. Быел кече һәм урта бизнес субъектлары белән 48 млрд сумлык 36 меңнән артык килешү төзелгән. Барлыгы исә 2024 елда 44 Федераль закон буенча Татарстанның төбәк һәм муниципаль заказчылары тарафыннан бюджет акчаларын экономияләү 4,4 млрд сум — 3,4 процент. 182,5 млрд сумлык 60 меңнән артык контракт төзелгән.
"Хәзер төбәк маркетинг үзәге һәм дәүләт заказы буенча агентлыкның бурычы-базарларны киңәйтү, аларга намуслы конкуренция һәм сыйфатлы продукция китерү нигезендә республиканың кече һәм урта бизнесыннан файдалану мөмкинлеген тәэмин итү. Узган ел Татарстанның биш меңгә якын кече бизнес субъекты 210 миллиард сум күләмендә табыш алган. 2024 ел планында кече бизнесны 231 миллиард сум күләмендә табыш белән тәэмин итү», – дип ассызыклады «Татарстан Республикасы Дәүләт заказы агентлыгы» АҖ генераль директоры Яков Геллер.
Сатып алу законнарын оптимальләштерү буенча үзгәрешләр һәм планнар, илкүләм режим буенча «ватан рельсларына» күчү, барлык этапларда килеп чыккан Россия товарларының «күзәтелүчәнлеге» механизмнарын булдыру — сатып алуга йомгак ясаудан алып контрактны үтәүгә кадәр. Бу һәм башка мөһим мәсьәләләрне белем бирү семинарында катнашучылар карады. Барысына да белем бирү курсын узу турында сертификатлар бирелде. 2025 елда муниципалитетларны укыту урыннарда дәвам итәчәк.