Баулының 2нче спорт мәктәбендә яңа уңайлы автобус барлыкка киләчәк
Баулы районының «2 нче спорт мәктәбе» муниципаль автоном өстәмә белем бирү учреждениесе өчен 20 урынлы «Sollers Atlant»уңайлы автобусы сатып алачаклар. Автотранспорт чарасының башлангыч бәясе-4,2 млн. сум. Тиешле мәгълүматны бердәм мәгълүмат системасы сайтында ТР Сатып алулар буенча Дәүләт комитеты урнаштырды.
Автобусны муниципаль бюджет хисабына сатып алачаклар. Бер-берсеннән 50 һәм аннан да күбрәк чакрым ераклыктагы ике шәһәрне тоташтыручы маршрутлар буенча пассажирлар йөртүне гамәлгә ашыру өчен файдаланылачак. Товарны кайтару вакыты - 2025 елның 3 феврале.
Баулыдагы 2 нче балалар-яшүсмерләр спорт мәктәбе 1996 елдан бирле эшли. Спорт мәктәбендә 300 дән артык бала шөгыльләнә. 6-18 яшьлек укучылар бүлекләрдә 5 спорт төре – йөзү, грек-рим көрәше, футбол, волейбол һәм милли көрәш буенча шөгыльләнәләр. Шәһәрдә яшәүчеләр өчен монда шулай ук ябык бассейн урнашкан.