ТР Сатып алулар буенча дәүләт комитеты Татарстан Федераль салым хезмәте идарәсенең гавами фикер алышуларына кушылды
Россия Федераль монополиягә каршы хезмәтенең Татарстан идарәсе үзенең контроль-күзәтчелек эшчәнлеге турында чираттагы ачык фикер алышулар уздырды. Көн тәртибенә ведомство эшенең төп юнәлешләре – дәүләт һәм муниципаль сатып алулар өлкәсендә монополиягә каршы хезмәтнең хокук куллану практикасы, хакимият органнары гамәлләре, конкуренция үсешен контрольдә тоту һәм реклама базарын күзәтү чыгарылды.
Дискуссиягә 44-ФЗ һәм 223-ФЗ нигезендә сатып алу эшчәнлеге алып баручы дәүләт органнары, иҗтимагый берләшмәләр, хуҗалык субъектлары, җайга салына торган эшчәнлек алып баручы оешмалар вәкилләре, коммуналь хезмәтләр башкаручылар, шулай ук хуҗалык итүче башка субъектлар чакырылды. Фикер алышуларга ТР Сатып алулар буенча дәүләт комитеты хезмәткәрләре дә кушылды — Дәүләт сатып алулары практикасын камилләштерү һәм хакимият органнары эшчәнлеген контрольдә тоту өчен.
Гавами фикер алышуларның модераторы ролен үз өстенә алган Андрей Розенталь үз чыгышында хуҗалык субъектлары эшчәнлегенә монополиягә каршы контроль өлкәсендә хокук куллану практикасы нәтиҗәләрен чагылдырды. Фикер алышуларда шулай ук ведомствоның рекламаны һәм намуссыз конкуренцияне контрольдә тоту, дәүләт сатып алуларын контрольдә тоту, шулай ук республика хакимияте органнарын контрольдә тоту өлкәсендәге эшчәнлеге мәсьәләләре яктыртылды. Ахырда-катнашучыларның сорауларына җавап бирделәр.