Профильле дәүләт комитеты бер атна эчендә 90 млн сумнан артык күләмдә сатып алулар урнаштырган
ТР Сатып алулар буенча дәүләт комитетының бурычы-бюджет акчаларын мөмкин кадәр экономиялерәк тоту. Ведомство рәисе Марат Зиатдинов атналык киңәшмәдә бүгенге көндә заказ бирүчеләрнең тормышын җиңеләйтә торган һәм бизнеска реаль заказлар алу мөмкинлеге бирә торган федераль чаралар гамәлгә кертелә баруын ассызыклады. Бу уңайдан Дәүләт комитеты иң яхшысын арзанрак сатып алу, шул ук вакытта товарларның һәм хезмәтләрнең сыйфатын саклап калу өчен законнарның барлык яңалыкларын җиткерә һәм аңлата.
"Безнең республикада дәүләт сатып алулары системасы уңышлы үсә, процесска кече бизнесны да җәлеп итә, заказлар алырга һәм үсәргә мөмкинлек бирә. Узган атнада 90 млн. сумлык 40 сатып алу урнаштырылган. 12 млн. сумлык контрактлар төзелгән. 130 тәэмин итүче (аларның күбесе Татарстан вәкилләре) электрон аукционнарда катнашырга теләк белдерде", - дип ачыклык кертте Марат Зиатдинов.
Сатып алына торган товарлар һәм хезмәтләр арасында — компьютер һәм оргтехника, транспорт һәм дизель ягулыгы, мебель, хуҗалык һәм канцелярия товарлары һ.б. монда санкцияләр үзебезнең җитештерүчеләр файдасына уйнады. Әйтик, узган атнада Нурлат аграр көллиятенә үзебездә җитештерелгән «LADA Granta» автомобиле, Азнакай политехник техникумына милли проект буенча «ГАЗ — САЗ 2507»автосамосвалы сатып алынды.
Киңәшмә барышында Дәүләт комитетында Саба районында узган зона семинарына йомгак ясалды, анда муниципаль ихтыяҗларны тәэмин итү өчен сатып алуларны оештыру һәм гамәлгә ашыру функцияләрен башкаруга вәкаләтле төрле дәрәҗәдәге хакимият органнарының 250дән артык җитәкчесе һәм белгечләре, шулай ук республиканың 11 районыннан бизнес вәкилләре җыелды.
"Без Саба районындагы очрашудан кире элемтә алдык инде-семинарлар мөһим һәм кирәкле булып чыкты. Чыннан да, сатып алулар буенча законнарны куллану практикасында, дәүләт һәм муниципаль ихтыяҗларны тәэмин итү өчен товарлар, эшләр, хезмәтләр сатып алуны оештыру һәм гамәлгә ашыруда, шулай ук сатып алулар өлкәсендә контрольдә тотуда зур кызыксыну бар. Заказчылар ягыннан да, тәэмин итүчеләр ягыннан да», - дип шәрехләде ТР Сатып алулар буенча Дәүләт комитеты рәисе.
Киләсе семинар декабрьдә республиканың Идел аръягы зонасында узачак.