ТР Сатып алулар буенча Дәүләт комитеты рәисе урынбасары VIII Санкт-Петербург Халыкара контракт мөнәсәбәтләре форумы эшендә катнаша
Форумга Россия Федерациясенең барлык субъектларыннан 2 меңнән артык федераль һәм төбәк күзәтчелек органнары вәкилләре, шулай ук дәүләт корпорацияләре җитәкчеләре һәм сатып алулар өлкәсендә әйдәп баручы экспертлар җыелды. Моннан тыш, Санкт-Петербургка БРИКС һәм ЕАЭСНЫҢ җиде иленнән делегатлар килде. Форум эшендә ТР Сатып алулар буенча Дәүләт комитеты рәисе урынбасары Искәндәр Баһаветдинов катнаша.
Форум кысаларында пленар утырыш узды, аның барышында сәламләү сүзе белән вице-губернатор Борис Пиотровский чыгыш ясады. Пленар сессиядә шулай ук Россия Финанс министры урынбасары Алексей Лавров катнашты. Ул хәбәр иткәнчә, киләсе елда Министрлык барлык дәүләт сатып алуларын электрон форматка күчерүне тәмамлаячак.
Сессия ачык дискуссия белән тәмамланды, анда катнашучылар үзләрен кызыксындырган сорауларны бирә алдылар. Форум 25 октябрьдә тәмамлана.