Республика наркология диспансеры өчен үзебездә җитештерелгән 3 җиңел автомобиль сатып алачаклар
ТР Сатып алулар буенча дәүләт комитеты Бердәм мәгълүмат системасы сайтында Татарстан учреждениеләре өчен транспорт чаралары сатып алу турында мәгълүмат урнаштырды.
Республика клиник наркология диспансеры 3 «LADA Granta» җиңел автомобиле яисә гомуми бәясе 3,3 млн сумнан артык булган эквивалент сатып алырга планлаштыра. Автотранспорт чаралары яңа булырга тиеш — 2024 елда чыгарылган, двигатель куәте 90 ат көченнән артык.
«Хайваннар дөньясын саклау өлкәсендә инновацион технологияләр кертү үзәге» дәүләт бюджет учреждениесе төзелеш материалларын һәм азык базасын ташу өчен 3 УАЗ — 330365 йөк автомобиле яисә эквивалент сатып алачак. Техник задание нигезендә, йөк машиналары 2023 елдан да иртәрәк чыгарылмаган, йөк күтәрүчәнлеге 1 тоннадан 2 тоннага кадәр булырга мөмкин. Контрактның башлангыч бәясе-4,5 млн сумнан артык.
«ТР пространстволы планлаштыру институты» бюджет учреждениесе өчен бәясе 2,6 млн сумнан артык булган «Москвич 6»җиңел автомобилен сатып алу планлаштырыла.
Электрон аукционнарда катнашуга гаризалар тәэмин итүчеләрдән 2024 елның 25 һәм 28 октябренә кадәр кабул ителә.
Фото rnd-kazan.ru