Телекоммуникация җиһазларын үзебездә барлыкка килгән товарларга кертүнең яңа тәртибе эшләнде
Сәнәгать һәм сәүдә министрлыгы телекоммуникация җиһазларына Россиядән килеп чыккан продукция статусын бирү процедурасын гадиләштерергә тәкъдим итте.
Төзәтмәләр РФ Хөкүмәтенең 17.07.2015 № 719 һәм 10.07.2019 № 878 карарларына кагыла.
719 нчы карарга кушымтаның «радиоэлектроника продукциясе» бүлеге телекоммуникация җайланмасына кагылышлы берничә позиция белән тулыландырыла. Шул рәвешле, Россия Федерациясе территориясендә әлеге продукцияне җитештерүне раслау 719 нчы карарның бердәм таләпләре нигезендә гамәлгә ашырылачак.
878 нче карардан телекоммуникация җиһазларына Россиядән килеп чыккан телекоммуникация җиһазы статусын бирүнең аерым тәртибен җайга сала торган нигезләмәләр төшереп калдырыла. Радиоэлектрон продукция реестрына кертү барлык радиоэлектрон продукция, шул исәптән телекоммуникация җиһазлары өчен дә бердәм тәртиптә гамәлгә ашырылачак.
Үзгәрешләр, гамәлгә кертү вакыты кичектерелгән кайбер яңалыклардан тыш, рәсми басылып чыккан көннән соң бер ай узгач үз көченә керә. Бу үзебезнең җитештерүчеләргә яңартылган кагыйдәләргә этаплап күчәргә мөмкинлек бирәчәк.
Документ турында халык алдында фикер алышу 2024 елның 25 сентябрендә тәмамланачак.
Документ: проектның ID 02/07/08-24/00150304