ТР Яшьләр хөкүмәтенә кандидатлар дәүләт хезмәтендә ясалма интеллект кертергә һәм массакүләм спортны популярлаштырырга тәкъдим итә
Татарстан Яшьләр хөкүмәтенә кандидатлар ТР Сатып алулар буенча Дәүләт комитетында әңгәмә узды. Кирил Уваров һәм Кирил Кувшинов бүген дәүләт комитеты рәисе Марат Зиатдинов җитәкчелегендәге комиссиягә үз проектларын тәкъдир иттеләр. Татарстанда Яшьләр хөкүмәтенең яңа составын формалаштыруга конкурс уза. Дәгъвачылар конкурс сайлап алуын узган инде һәм хәзер үз проектларын профильле ведомстволар алдында яклыйлар.
Әлмәттән 26 яшьлек Кирилл Уваров «ХимСервис» ҖЧҖендә эшли, предприятиенең яшьләр лидеры булып тора. Әңгәмәдә дәүләт структураларына ясалма интеллект кертү юлы белән сатып алулар комитеты эшчәнлеген оптимальләштерү һәм цифрлаштыру проектын тәкъдим итте. Яшьләр хөкүмәтенә кандидат аңлатканча, ИИ-сервисларны куллану сатып алулар процессын автоматлаштырырга ярдәм итәчәк, куркынычларны ачыклау буенча эшне тизләтәчәк, тәкъдимнәрне җыюны һәм анализлауны гадиләштерәчәк.
"Быелның февралендә Президент Указы нигезендә «ясалма интеллект» федераль проектын мәгълүматларның икътисадын формалаштыру буенча илкүләм проектка керттеләр һәм аның гамәлдә булуын 2030 елга кадәр озайттылар. Ясалма интеллект бүген төрле тармакларның йөзен бик тиз үзгәртә, һәм аны региональ дәүләт сервисларына кертү сизелерлек әһәмияткә ия", - дип ассызыклады Кирилл Уваров.
Идел буе дәүләт физик культура, спорт һәм туризм университеты студенты Кирилл Кувшинов татарстанлылар арасында массакүләм спортны популярлаштыру планнары турында сөйләде. Спорт инфраструктурасын үстерүнең мөһимлеген билгеләп үтте, ул республикада яшәүчеләрнең физик хәлен яхшыртуга һәм дисциплина формалаштыруга ярдәм итә. Кириллның студентлар ярышларын уздыру тәҗрибәсе бар, ул студентлар стартапында катнаша.
"Яшьләр белән эшләү-илебез үсешенең төп өстенлекләреннән берсе. Татарстанның Яшьләр Хөкүмәтендә бик актив һәм инициативалы кешеләр бар, алар республикабыз һәм аның халкы иминлегенә хезмәт итәргә әзер. Сезнең тәкъдимнәр һәм инициативалар өстәмә этәргеч булыр дип өметләнәбез. Сез яшьләргә кирәклеген яхшырак сизәсез. Ышанам ки, сезнең туган республикагыз хакына иҗат итәргә һәм эшләргә теләгегез бар», - дип мөрәҗәгать итте кандидатларга ТР Сатып алулар буенча Дәүләт комитеты рәисе.
Очрашуны тәмамлап, Марат Зиатдинов яшьләргә конкурс этапларын узуда уңышлар теләде.
Исегезгә төшерәбез, Татарстан Республикасы Яшьләр хөкүмәте – Татарстан Республикасы Министрлар Кабинеты каршындагы даими эшләүче консультатив-киңәшмә органы, ул 2016 елның 28 декабрендә төзелгән һәм иҗтимагый башлангычларда эшли. Яшьләр хөкүмәтенең максаты-Татарстан территориясендә даими яшәүче 18 яшьтән 35 яшькә кадәрге гражданнарны җәмгыятьнең социаль-икътисадый һәм мәдәни тормышына җәлеп итү өчен шартлар тудыру.