ККК буенча Бөтенроссия конференциясен оештыруга тендер урнаштырылды
22 августтан 23 августка кадәр Казанда һәм Иннополиста «каты коммуналь калдыклар: законнар һәм практика»VI Бөтенроссия фәнни-гамәли конференциясе узачак. Аны оештыруга һәм үткәрүгә 2 696 600 сум тоту планлаштырыла. Бу контрактның башлангыч бәясе. Тиешле тендер ТР Сатып алулар буенча Дәүләт комитеты тарафыннан урнаштырылган. Гаризалар бирүнең тәмамлану вакыты - 19 август.
Конференциядә тариф органнары хезмәткәрләре, Россия ФАСы хезмәткәрләре һәм аның территориаль органнары, ККК белән эш итү буенча төбәк операторлары, федераль хакимият органнары вәкилләре, Россия Федерациясе субъектларының хакимият органнары һәм җирле үзидарә органнары вәкилләре, экспертлар һәм башка кызыксынган затлар катнашачак.
Чара белгечләрнең һөнәри әзерлеген арттыру, каты коммуналь калдыклар белән эш итү мәсьәләләре буенча белемнәрен камилләштерү, законнарны өйрәнү һәм камилләштерү, тәҗрибә турында фикер алышу, яңа технологияләр һәм методикалар кертү, оешмаларда күрсәтелә торган хезмәтләрнең сыйфатын яхшырту, шулай ук каты коммуналь калдыклар белән эш итү мәсьәләләрен яктырту өчен үткәрелә.
"Контрактны үтәүче конференция үткәрү өчен бина һәм җиһазлар бирергә, фото һәм видеога төшерүне, трансфер, кунакларны тукландыру һәм яшәү урыннарын оештырырга, полиграфия продукциясе, тарату материалын эшләргә һәм әзерләргә, мәдәни һәм экскурсия программасы әзерләргә тиеш. Конференция йомгаклары буенча башкаручы техник биремдә каралган хезмәтләр күрсәтүнең барлык этапларын исәпкә алып хисап бирәчәк», — дип хәбәр итте Татарстан Республикасының Сатып алулар буенча Дәүләт комитеты рәисе урынбасары Алеся Музалевская.
Заказ бирүче булып ТР Тарифлар буенча Дәүләт комитеты тора. Узган ел конференция көндезге форматта Казанда һәм «Алабуга»сәнәгать-җитештерү тибындагы махсус икътисадый зона территориясендә узды.
Фото kt.tatarstan.ru