4 октябрьдә Россия һәм Үзбәкстан арасында III төбәкара хезмәттәшлек форумы ачылды
Татарстан башкаласында Россия һәм Үзбәкстан арасында III Регионара хезмәттәшлек форумы уза. Чара ике ил лидерлары — Владимир Путин һәм Шәүкәт Мирзиеев очрашуы алдыннан оештырылды. Быел Форум Татарстан Республикасы башкаласы-Казан шәһәрендә «Казан Экспо»да уза. Чараны Россия Федерациясе Икътисади үсеш министрлыгы һәм Үзбәкстан Республикасы инвестицияләр, сәнәгать һәм сәүдә министрлыгы оештыра.
Форум Россия һәм Үзбәкстан төбәкләре, эшлекле даирәләр һәм оешмалар арасында практик хезмәттәшлекне киңәйтү өчен үткәрелә һәм икътисад өлкәсендә иң масштаблы ике яклы иҗтимагый чараларның берсе булып тора. Дүрт тематик панель сессиясен үткәрү планлаштырыла: транспорт-логистика партнерлыгы: Россия һәм Үзбәкстан яңа чакырулар дөньясында, Россия һәм Үзбәкстан яшь эшмәкәрләренең хезмәттәшлеген киңәйтү, туристик маршрутлар: Россияне һәм Үзбәкстанны ачабыз һәм Россия һәм Үзбәкстанның сәнәгать кластерларын үстерү.
Татарстан Республикасының Сатып алулар буенча дәүләт комитеты рәисе Руслан Сабиров форумда Үзбәкстан Республикасы вәкилләре белән берлектә катнаша, алар арасында Ферган өлкәсе хокимы Хәйрулло Бозоров, Ферган өлкәсе хокимы ярдәмчесе Муроджон Хуҗакулов, Ферган өлкәсе хокимы урынбасары Икболжон Эргашев һәм Ферган өлкәсе Сәүдә-сәнәгать палатасы башлыгы Шокиржон Әхмәдов бар. Моннан тыш, чара кысаларында сатып алулар буенча Дәүләт комитеты рәисе Руслан Сабиров кунакларга «Химград» технополисына һәм ИТ-паркка баруны оештырды. Бәшир Рәмиев.