Хөкүмәт сәнәгать продукциясен сатып алуны аванслау механизмын киңәйтә
Хөкүмәт сәнәгать продукциясе җитештерүчеләргә ярдәм итүен дәвам итә. Дәүләт сатып алулары вакытында контракт бәясенең ким дигәндә 80% күләмендә авансланган җиһазлар исемлеген киңәйтергә карар ителде. Бу хакта карарны Хөкүмәт рәисе Михаил Мишустин имзалады.
Яңартылган исемлеккә Металлургия һәм күтәрү-транспорт җиһазларының 10 төре өстәлгән. Алар арасында төзелеш краны, лифтлар, складлар өчен күтәрү машиналары, электр мичләре һәм сәнәгать камералары бар.
Сәнәгать продукциясен сатып алуны аванслау механизмы 2022 ел ахырында станок-инструменталь сәнәгать җитештерүчеләренә ярдәм итү чаралары кысаларында кертелгән. Бу механизмны киңәйтү җитештерү куәтләрен арттыру процессын тизләтергә һәм җитештерелгән продукция күләмен арттырырга мөмкинлек бирәчәк.
Имзаланган документ белән Хөкүмәтнең 2022 елның 24 декабрендәге 2411 номерлы карарына үзгәрешләр кертелде.
Документ: 2023 елның 30 июнендәге 1083 номерлы карар