2023 елның 6 мартында хәрәкәтнең яшь инспекторлары отрядлары оешуга 50 ел була
Яшь инспекторлар отрядлары үз тарихларын 1973 елның 6 мартында башлады. Бу көнне ВЛКСМ ҮК секретариаты, СССР ЭЭМ һәм СССР Мәгариф министрлыгы коллегияләре карары белән яшь инспекторлар отрядлары турында нигезләмә расланды.
1973 ел ахырына якынча 14 мең ЮИД отряды эшли, аларның слётлары һәм ярышлары оештырыла. Ике елдан соң «Орлёнок» лагеренда яшь инспекторларның I Бөтенроссия слёты булды.
Татарстан Республикасының яшь инспекторлары ил дәрәҗәсендә беренче тапкыр үзләрен 1986 елда белдерделәр. Нәкъ менә шул вакытта республика командасы велосипедчыларның «Куркынычсыз тәгәрмәч» бөтенроссия ярышларында җиңүче булды.
Бүген Татарстанда үз сафларында 19 мең баланы берләштерүче ЮИД 1500 отряды актив эшли.
ЮИД хәрәкәте активистлары Дәүләт автоинспекциясе хезмәткәрләре һәм “Юл хәрәкәте иминлеге” ДБУ хезмәткәрләре ярдәме белән мәгариф оешмаларында юл хәрәкәте кагыйдәләре буенча балалар белән аңлату эшләре алып баралар, пропаганда материаллары чыгаралар, юл хәрәкәте иминлеге өчен агитация ясыйлар, юл йөрү кагыйдәләрен бозуны булдырмау буенча рейдларда катнашалар, яктылык кайтаргыч элементлар тараталар һәм юлда күренер өчен аларны ничек дөрес кулланырга кирәклеген аңлаталар.
Юл хәрәкәте кагыйдәләре, беренче ярдәм күрсәтү күнекмәләре, төрле фигуралы киртәләрдә велосипед белән идарә итү һәм автошәһәрчектә "Куркынычсыз көпчәк" конкурсларында күрсәтәләр.
2017 елдан балалар сәламәтләндерү лагеренда ЮИД отрядларының бушлай профильле алмашынуы уздырыла.
2018 елның 4 декабрендә Казанда, Чаллыда һәм Әлмәттә ЮИД өч балалар матбугат үзәге ачылды.
2020 елдан башлап ЮИД отрядлары педагог-җитәкчеләренең эшчәнлеге өстәмә рәвештә акчалата премия белән стимуллаштырыла.
Ел саен республика конкурслары, вебинарлар һәм форумнар үткәрелә.