Россия Финанслар министрлыгы электрон процедураларда катнашу өчен гаризаларның типлаштырылган формаларын эшләде
"Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алу өлкәсендә контракт системасы турында" 2013 елның 5 апрелендәге 44-ФЗ номерлы Федераль законның 24.1 статьясындагы 5 өлешен үтәү йөзеннән Россия Финанс министрлыгы белгечләре РФ Хөкүмәтенең гаризаның типлаштырылган формаларын раслау турындагы карары проектын әзерләделәр:
электрон формада ачык конкурста, катнашуы чикләнгән электрон формада конкурста, электрон формада ике этаплы конкурста, электрон формада ябык конкурста, катнашуы чикләнгән электрон формада ябык конкурста, ике этаплы электрон формада ябык конкурста катнашу өчен;
электрон аукционда, электрон формада ябык аукционда катнашу өчен;
котировкаларны электрон формада соратуда катнашу өчен;
электрон формада тәкъдимнәр соратуда катнашу өчен.
Моннан тыш, сатып алу турында типлаштырылган документациянең эчтәлегенә, составына, эшләү тәртибенә карата таләпләрне раслау планлаштырыла.
Шулай ук электрон мәйданчык операторларына, махсуслаштырылган электрон мәйданчык операторларына һәм электрон мәйданчыкларның, махсус электрон мәйданчыкларның эшләвенә карата өстәмә таләпләргә үзгәрешләр кертү күздә тотыла.
Документ: РФ Хөкүмәте Карары Проекты