Сатып алуларны нормалаштыру тәртибен төгәлләштерәчәкләр
Нормалаштыру кагыйдәләрендә дәүләт корпорацияләре һәм әһәмиятле фән, мәгариф, мәдәният һәм сәламәтлек саклау учреждениеләре сатып ала торган товарлар, эшләр, хезмәт күрсәтүләргә таләпләр билгеләү бурычы язылачак. Төзәтмәләрне Финанс министрлыгы әзерләде һәм халык алдында фикер алышуга чыгарды.
Хөкүмәт «Росатом», «Роскосмос» дәүләт корпорацияләре һәм иң мөһим фән, мәгариф, мәдәният һәм сәламәтлек саклау учреждениеләре өчен нормалаштыру кагыйдәләрен билгеләячәк. Бюджет кодексы буенча иң мөһим учреждениеләр билгеләнә. Әлеге оешмалар товарларның, эшләрнең, хезмәтләрнең аерым төрләренә карата таләпләрне, шул исәптән продукциянең иң чик бәясен һәм функцияләрне тәэмин итүгә норматив чыгымнарны раслыйлар. Кагыйдәләр дәүләт корпорацияләренең ведомство карамагындагы оешмаларына да таратылачак.
Шулай ук дәүләт корпорацияләре һәм әһәмиятле учреждениеләр үз проектларын иҗтимагый советларда ведомство исемлекләре буенча алдан фикер алышу хокукына ия булалар.
Дәүләт корпорацияләре һәм әһәмиятле оешмалар өчен нормалаштыруга таләп 44-ФЗ номерлы Федераль законга кертелгән төзәтмәләрдә каралган. Кагыйдә 2018 елның 1 июленнән үз көченә керде. Нормалаштыру тәртибен Хөкүмәтнең 2015 елның 2 сентябрендәге 926 номерлы карары, нормалаштыру кагыйдәләрен эшләү, раслау тәртибен – 2015 елның 18 маендагы 476 номерлы һәм 2015 елның 19 маендагы 479 номерлы карарлары җайга сала. Финанс министрлыгы белгечләре документларга төзәтмәләр эшләде, хокукый актлар № 44-ФЗ Законның яңа редакциясенә җавап бирсен өчен.
Документлар:
Хөкүмәт карары проекты 16.11.2018
Хөкүмәт карары проекты 16.11.2018