2046 елга кадәр Татарстанны Газлаштыру 208 млн сумга төшәчәк
ТР Сатып алулар буенча дәүләт комитеты төбәкне газ белән тәэмин итүне үстерү буенча фәнни-тикшеренү эшләрен башкаруга электрон аукцион игълан итте. Контрактның башлангыч (максималь) бәясе - 208,4 млн сум. Заказ бирүче-ТР сәнәгать һәм сәүдә министрлыгы.
Башкаручы торак пунктларда һәм коммерциягә карамаган бакча ширкәтләрендә газ бүлү челтәрләренең урнашу схемаларын да кертеп, 2026-2046 елларга республиканы газ белән тәэмин итү һәм газлаштыру схемасын эшләргә тиеш. Шулай ук 2036 елга кадәр Татарстанның ягулык-энергетика балансы актуальләштереләчәк.
Эш алты этапка бүленгән. Беренче ике этап (14,6 млн сум) факттагы (2023-2025 еллар өчен) һәм фаразланган ягулык-энергетика балансын төзүгә һәм килештерүгә кагыла. Финанслауның төп өлеше (110,5 млн сум), перспективалы төзелешне исәпкә алып, 2046 елга кадәр газ белән тәэмин итү объектларының урнашу схемаларын эшләүгә юнәлдерелгән.
Яңа схема торак-коммуналь хуҗалыкны, сәнәгать һәм башка оешмаларны газлаштыруның региональ программасы өчен нигез булачак. Контрактны үтәүнең гомуми вакыты-2027 елның 31 декабренә кадәр.