Татарстанда экскурсоводларга 1,4 млн сумлык аттестация оештыралар
Татарстан Республикасының Сатып алулар буенча дәүләт комитеты 2026 елда республика территориясендә эшчәнлек алып баручы экскурсоводларга (гидларга) һәм тәрҗемәче-гидларга аттестацияне оештыру һәм уздыру буенча хезмәтләр күрсәтүгә электрон аукцион үткәрү турында мәгълүмат урнаштырды.
Заказ бирүче булып Татарстан Республикасы Туризм буенча Дәүләт комитеты тора. Финанслау күләме 2025 ел дәрәҗәсендә сакланды-икенче ел рәттән әлеге максатларга 1,4 млн сум каралган.
Аттестация ике этапта узачак: тестлаштыру һәм аттестация комиссиясе утырышы. Сынауларны 400гә якын катнашучы узар дип планлаштырыла. Контрактта аттестация комиссиясе утырышларын администрацияләүне, бейджларны эшләү һәм бастыруны, шулай ук имтихан процедуралары өчен биналар һәм җиһазлар бирүне дә кертеп, тулы оештыру эше каралган.
Аттестация комиссиясенең шәхси составы (12 кеше) Татарстан Республикасы Туризм буенча дәүләт комитетының 31.07.2025 № 169 боерыгы белән расланды.
Электрон аукционда катнашуга гаризалар бирү 2026 елның 20 февраленә кадәр ачык.