Татарстанда бер атна эчендә 2,7 млрд сумлык 850дән артык сатып алу урнаштырылган
2025 елның 15 декабреннән 21 декабренә кадәр Татарстан Республикасы заказчылары 2,7 млрд сумлык 853 сатып алу урнаштырган. Бу хакта ТР Сатып алулар буенча Дәүләт комитетында узган традицион атналык киңәшмәдә билгеле булды.
Ел башыннан республикада 64 327 контракт төзелгән. Бюджет акчаларын экономияләү 5,59 млрд сум тәшкил итте.
"Кече бизнесның сатып алу эшчәнлегендә катнашуының сизелерлек үсүен билгеләп үтү аеруча мөһим. Ел башыннан кече эшмәкәрлек субъектлары белән 45 миллиард сумга якын 38 583 килешү төзелгән», — дип билгеләп үтте ТР Сатып алулар буенча Дәүләт комитеты рәисе Марат Зиатдинов.
2025 ел башыннан иң зур сатып алу «Татарстан Республикасының Баш инвестиция-төзелеш идарәсе» дәүләт казна учреждениесе тарафыннан 3,4 млрд сумнан артык күләмдә урнаштырылган.
Әлеге сатып алу кысаларында шулай ук иң зур контракт төзелгән — Казанның Киров районындагы «32 нче Хәрби шәһәрчек» һәм «Экорайон» территорияләре өчен хуҗалык-көнкүреш канализациясе магистраль челтәрләрен салу буенча төзелеш-монтаж эшләрен башкаруга.