Татарстанда 2026 елга 388 дәүләт учреждениесе һәм ведомствосы өчен ягулык сатып алачаклар
Татарстан Республикасының Сатып алулар буенча дәүләт комитеты төбәкнең 388 Дәүләт һәм муниципаль учреждениесе һәм ведомствосы өчен бензин һәм дизель ягулыгын үзәкләштерелгән сатып алуга дүрт электрон аукцион уздыру турында игълан итте. Дүрт контракт буенча гомуми башлангыч бәя 893,99 миллион сумнан артык тәшкил итәчәк. Тиешле мәгълүмат Сатып алулар өлкәсендә бердәм мәгълүмат системасы сайтында урнаштырылган.
Сатып алу процедуралары кысаларында төрле сезоннар өчен К5 класслы дизель ягулыгы һәм автомобиль бензины сатып алыначак. Ягулык сәламәтлек саклау, мәдәният, спорт, социаль яклау учреждениеләре, ветеринария берләшмәләре, урман хуҗалыклары һәм көллиятләр өчен җибәреләчәк.
"Дәүләт комитеты үткәрә торган үзәкләштерелгән сатып алулар сатып алу процессларындагы хаталарны бетерергә, тиешле контрольне тәэмин итәргә һәм берничә бер типтагы товарны бер процедурага берләштерү хисабына максималь икътисади нәтиҗәгә ирешергә мөмкинлек бирә", - дип билгеләп үтте Татарстан Республикасының Сатып алулар буенча Дәүләт комитеты рәисе Марат Зиатдинов.
Контрактларны үтәү вакыты-2026 ел ахырына кадәр.