Атналык сатып алулар
Дәүләт һәм муниципаль заказчылар актив рәвештә 2025 елга контрактлар төзи. Атна башыннан Татарстан Республикасының Сатып алулар буенча Дәүләт комитеты Бердәм мәгълүмат системасында 49 сатып алуны урнаштырган.
Аерым алганда, ТР Биологик ресурслар буенча Дәүләт комитетына киләсе елда 441 мең сумнан артык күләмдә «КонсультантПлюс» урнаштырылган комплектларны җайлаштыру һәм озата бару буенча хезмәтләр күрсәтеләчәк. «Гарант» белешмә-хокукый системасына хезмәт күрсәтү ТР Дәүләт алкоголь инспекциясенә 684 мең сумга төшәчәк. Ә ТР Юстиция министрлыгына-910 мең сумга.
Татарстан Республикасы цифрлы трансформация үзәге өчен 5,8 млн. сумлык челтәр җиһазлары кайтару планлаштырыла. Туризм буенча Татарстан Республикасы Дәүләт комитеты презентацион сувенир продукциясен җитештерүгә һәм китерүгә 610 мең сум юнәлдерәчәк.
2025 елга республиканың социаль әһәмиятле учреждениеләренә сөт һәм сөт продукциясе китерүгә 499 миллион сумнан артык акча бүлеп биреләчәк. Мәктәпкәчә мәгариф учреждениеләрендә туклануны оештыруга республиканың 10 районында 550 млн сум акча юнәлдереләчәк.
Лотлар турындагы мәгълүмат белән җентекләбрәк сайтта танышырга мөмкин zakupki.gov.ru.