Россия банкы төп ставканы елына 21% ка кадәр күтәрә
Россия Банкының Директорлар советы төп ставканы елына 21,00% ка кадәр күтәрергә карар кабул итте.
Үзәк банк моны инфляциянең Россия Банкының июль фаразыннан шактый югарырак булуы белән аңлата: еллык инфляция, 21 октябрьгә бәяләү буенча, 8,4% тәшкил иткән һәм 2024 ел нәтиҗәләре буенча 8,0-8,5% диапазонында көтелә.
Банк 2025 елга уртача төп ставка буенча фаразны 17,0-20,0% ка кадәр күтәрде.
2024 елның 6 ноябрендә Россия Банкы төп ставка турында фикер алышу резюмесын бастырачак.
РФ Үзәк банкы Директорлар советының төп ставка дәрәҗәсе турындагы мәсьәлә каралачак киләсе утырышы 2024 елның 20 декабренә планлаштырылган.
Заказчыларга һәм тәэмин итүчеләргә контракт буенча йөкләмәләрне үтәгән өчен 44-ФЗ номерлы законның 34 маддәсенең 5 өлеше һәм 7 өлеше нигезендә пенялар исәпләгәндә төп ставканың күләме әһәмияткә ия.
Моннан тыш, Төп ставка исәпләгәндә кулланыла:
- салымнар, җыемнар, взнослар буенча пенялар:
- хезмәт хакын һәм хезмәткәргә тиешле башка түләүләрне тоткарлаган өчен компенсацияләр;
- чит акчалардан файдаланган өчен процентлар һ. б.
Россия Банкының 2024 елның 25 октябрендәге мәгълүмати хәбәре