30 август-Татарстан Республикасы көне

2024 елның 29 августы, пәнҗешәмбе

Бу бәйрәм татарстанлыларның уңышларын гәүдәләндерә, игелекле эшләргә рухландыра, ватанпәрвәрлек, хезмәт сөючәнлек, күпмилләтле Россия һәм Татарстан традицияләренә хөрмәт кыйммәтләре кадерле булган барлык халыкны берләштерә.

Республика җитәкчелегенең һәм күпмилләтле халыкның килешеп эшләве нәтиҗәсендә Татарстан елдан-ел икътисадта, мәдәнияттә, рухи һәм социаль өлкәләрдә үсешенең яңа баскычына күтәрелә. Бүген Татарстан - күпмилләтле Россиянең терәк төбәкләренең берсе.

Бу бәйрәм көнендә сәламәтлек, бәхет, тынычлык, игелек һәм иминлек, туган республикабыз хакына барлык башлангычларда уңышлар телибез!