2022 елның 29 сентябрендә Татарстан Республикасының сатып алулар буенча Дәүләт комитеты «ТР Сатып алуларны үстерү үзәге» АҖ белән берлектә республика заказчылары өчен семинар-киңәшмә уздырды
2022 елның 29 сентябрендә Татарстан Республикасының сатып алулар буенча Дәүләт комитеты «ТР Сатып алуларны үстерү үзәге» АҖ белән берлектә республика заказчылары өчен «Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтүләрне сатып алулар өлкәсендә контракт системасы турында» 05.04.2013 № 44-ФЗ Федераль законы нигезендә сатып алулар уздыру» темасына семинар-киңәшмә уздырды.
Семинар-киңәшмәдә экспертлар сыйфатында «ТР Дәүләт заказы агентлыгы» АҖ, Республика маркетинг үзәге - ЭТИС, «ТР Сатып алуларны үстерү үзәге» АҖ, Татарстан Республикасының сатып алулар буенча Дәүләт комитеты вәкилләре чыгыш ясады.
Семинарда 20 кеше катнашты, онлайн 327 кеше карады.
Семинар-киңәшмәдә катнашучылар сораулар бирү һәм белгечләрдән җаваплар алу мөмкинлеге алды.
Чараның язмасы белән Татарстан Республикасының сатып алулар Порталында Баш / Укыту видеоматериаллары вкладкасында яки монда танышырга мөмкин.